Sjálfbær samruni – Fjölbreytt sjónarhorn lífvera & plöntublinda

25.11.2021
16.00 - 18.00

Salur

Sjálfbær samruni – fjölbreytt sjónarhorn lífvera og að sjá handan plöntublindu

Er hugsanlegt að listin geti eflt vísindamiðlun og læknað okkur af plöntublindu?

Með hvaða hætti má vinna með búsvæði, verndun og eftirlendustefnu sem listrænan efnivið? Hvernig tengjast epli og heimsendir?

Viðburðurinn er sá þriðji og síðasti í viðburðaröðinni Sjálfbær samruni – samtal lista og vísinda um sjálfbærni. Viðburðurinn fer fram á ensku og hægt er að mæta í sal eða fylgjast með í streymi.

Blandað verður saman erindum, listrænum uppákomum og umræðum sem tengjast sjálfbærri þróun. Stofnun Sæmundar fróða um sjálfbæra þróun og Norræna húsið standa að viðburðaröðinni.

Menning og listir eru drífandi afl í stórum samfélagslegum breytingum og sinna mikilvægu hlutverki á umbrotatímum. Nauðsynlegt er að virkja skapandi hugsun og efla samstarf milli lista og vísinda til að takast á við yfirvofandi áskoranir eins og loftslagsvá, tap á líffræðilegri fjölbreytni og ójöfnuð. Markmiðið með viðburðaröðinni er að efla þetta samtal, veita innblástur og vekja athygli á hlutverki skapandi greina í vegferðinni að sjálfbærara samfélagi. Í viðburðaröðinni kemur fólk úr ýmsum skapandi greinum svo sem myndlist, tónlist, sviðslistum og ritlist saman og ræðir við fólk úr vísinda- og fræðasamfélaginu um sjálfbærni frá ýmsum sjónarhornum.

Dagskrá

“Thougths about apples and the end of the world”
Karl Ágúst Þorbergsson – sviðslistamaður, lektor og fagstjóri við sviðshöfundabraut Listaháskóla Íslands

“Debatable land: Dialogues from shared lands”
Snæbjörnsdóttir/Wilson – Listrænt tvíeyki

“Beyond plant blindness”
Dawn Sanders – aðstoðarprófessor við mennntavísindasvið Gautaborgarháskóla

Tónlistaratriði – Sóley Stefánsdóttir

Spurningar og svör