Við streymum Höfundakvöldum Norræna hússins

Hér getur þú fylgst með Höfundakvöldum Norræna hússins og séð gamlar upptökur.

Live-stream

Höfundakvöld

Norræna húsið hefur haslað sér völl sem mikilvægur vettvangur bókmennta í Reykjavík og hefur frá 2015 staðið fyrir höfundakvöldum á haust- og vormánuðum þar sem spennandi og vinsælir norrænir rithöfundar eru gestir okkar. Við leggjum áherslu á að bjóða til okkar fjölbreyttum hópi höfunda sem vakið hafa athygli og eftirtekt, til að ræða bækur sínar og ritstörf.

Á höfundakvöldum eru ýmist einn eða fleiri höfundar og er samræðunum stjórnað af sérfræðingum á sviði bókmennta og fara ætíð fram á einhverju norrænu tungumálanna. Að spjalli loknu geta gestir í sal svo lagt fram spurningar. Höfundakvöldin eru send út í streymi og þannig hægt að fylgjast með að heiman eða endurupplifa góða kvöldstund.

Haustið 2020 verður áhersla á kyn og sjálfsmynd og tengir þannig höfundakvöldin við sýninguna Underneath sem sett er upp í sýningarsal hússins Hvelfingu.

Þá býður Norræna húsið nú upp á norrænan leshring en frekari upplýsingar er að fá á bibliotek@nordichouse.is

 

Síðan 2015 höfum við fengið til okkar á höfundakvöld í Norræna húsinu í Reykjavík:
Jens Andersen (DK), Einar Már Guðmundsson (IS – sigurvegara bókmenntaverðlauna Norðurlandaráðs 1995), Camilla Plum (DK), Rawdna Carita Eira (NO-SAM), Kristina Sandberg (SE), Gaute Heivoll (NO), Åsne Seierstad (NO), Susanna Alakoski (SE), Viveca Sten (SE), Carsten Jensen (DK), Athena Farrokhzad (SE), Eríkur Örn Norðahl (IS), John Ajvide Lindqvist (SE), Katarina Frostenson (SE – sigurvegara bókmenntaverðlauna Norðurlandaráðs 2016), Dorthe Nors (DK), Lars Mytting (NO), Kjell Westö (FINSE – sigurvegara bókmenntaverðlauna Norðurlandaráðs 2014), Kim Leine (DK – sigurvegara bókmenntaverðlauna Norðurlandaráðs 2013), Sørine Steenholdt (GR), Geir Guliksen (NO), Tom Buk-Swienty (DK), Vigdis Hjorth (NO), Sissal Kampmann (FÆR), Kirsten Thorup (DK – sigurvegara bókmenntaverðlauna Norðurlandaráðs 2017), Merete Pryds Helle (DK), Josefine Klougart (DK), Erik Skyum-Nielsen (DK), Hanne-Vibeke Holst (DK), Kristín Steinsdóttir (IS), Sara Stridsberg (SE – sigurvegara bókmenntaverðlauna Norðurlandaráðs 2007), Auður Ava Ólafsdóttir (IS – sigurvegara bókmenntaverðlauna Norðurlandaráðs 2018), Rosa Liksom (FI), Johannes Anyuru (SE),  Ásta Fanney Sigurðardóttir, Fríða Ísberg, Haukur Ingvarsson og Jón Örn Loðmfjörð (IS), Pivinnguaq Mørch (GR), Pia Tafdrup (DK – sigurvegara bókmenntaverðlauna Norðurlandaráðs 1999), Tore Kvæven (NO), Thomas Espedal (NO), Turið Sigurðardóttir (FÆR)  og Theis Ørntoft (DK), Gunnar D. Hansson (SV), Jonas Eika (DK – sigurvegara bókmenntaverðlauna Norðurlandaráðs 2019) og Isold Uggadóttir (IS).

Dagskrá haustið 2021:

Miðvikudaginn 2.september kl. 19.30
Nina Hemmingsson (SE) og Þórdís Gísladóttir (IS)

Miðvikudaginn 7. oktober kl. 19.30
Hanne Højgaard Viemose (DK) og Kristín Eiríksdóttir (IS)

Miðvikudaginn 11. nóvember kl. 19.30
Kristín Ómarsdottír (IS) og John Swedenmark (SE)

Fyrirspurnir berist sofie(at)nordichous.is