Fundur Fólksins 2022
Sjá dagskrá Norræna hússins á Fundi Fólksins hér fyrir neðan:
Tilgangur fundarins er að skapa vandaðan vettvang þar sem boðið er til samtals milli almennings, stjórnmálafólks og frjálsra félagasamtaka, þar sem lýðræði og opin skoðanaskipti eru leiðarstefið.
Markmið fundarins er að skapa meira traust og skilning á milli ólíkra aðila samfélagsins án þess að vera föst í venjubundnum umræðufarvegi stjórnmála og fjölmiðla.
Fundur fólksins er sjálfstæð hátíð og ekki tengd neinum hagsmunaöflum á Íslandi eða annnars staðar.
Lýðræðishátíðin Fundur fólksins var fyrst haldin í Norræna húsinu í júní 2015 að fyrirmynd annarra Norðurlanda, sem hafa haldið sambærilega fundi; á Borgundarhólmi (Danmörk), í Arendal (Noregur) og í Almedalen (Svíþjóð). Gestir þessara funda í nágrannalöndunum telja að öllum jafnaði tugi þúsunda og þar er að finna afar umfangsmikla þátttöku frjálsra félagasamtaka, stofnana, stjórnmálamanna og fjölmiðlafólks, fyrirtækja auk almennra borgara.
Fundur fólksins 2022 fer fram í Norræna húsinu og Grósku í Reykjavík.
Dagskrá Norræna húsins
16 september
13.00 – 13.40
Fræ til framtíðar: Hvernig og hvað ræktum við á tímum loftslagsbreytinga?
Málþingið fer fram á ensku og er hluti af dagskrá Fundar fólksins. Því verður einnig streymt hér: https://vimeo.com/event/2420266
Heimsfaraldur COVID-19 og stríðið í Úkraínu hafa leitt í ljós hversu viðkvæm matvælakerfi á Norðurlöndum eru en það er ekki síður ljóst að yfirvofandi loftslagsvandi er veruleg ógn við fæðuöryggi.
Lykilatriði í umbreytingunni í átt að sjálfbærari og öruggari matvælakerfum er að auka neyslu og ræktun á innlendu grænmeti og korni. Loftslagsváin skapar þó bæði vanda og ný tækifæri í landbúnaði.
Hvernig lögum við jarðyrkju að hlýnandi loftslagi, og eru tækifæri til að auka framleiðslu og rækta nýjar tegundir nytjaplantna á norðurslóðum? Málefnið er einkar aðkallandi á Íslandi, eyju sem reiðir sig mjög á matvælainnflutning.
Sem stendur geta íslenskur bændar ræktað um 43% grænmetis og 1% korns sem neytt er í landinu. Það gæti hins vegar orðið mögulegt að rækta áður óhugsandi nytjaplöntur á norrænum slóðum. Hvað þýðir þetta fyrir Ísland og jafnvel norðurslóðir allar?
Ræðumaður:
Michael Lyngkjær, plöntufræðingur við norrænu rannsóknarstofnunina NordGen flytur inngangserindi um verkefni stofnunarinnar um aukna sjálfbærni og loftslagsaðgerðir í landbúnaði.
Málþingið fer fram á ensku.
16 september
14.00 – 14.40
Norrænar loftslagsaðgerðir: Erum við samtaka?
Málþingið fer fram á ensku og er hluti af dagskrá Fundar fólksins. Því verður einnig streymt hér: https://vimeo.com/event/2420283
Norðurlöndin hafa sameiginlegan metnað fyrir því að verða sjálfbærasta svæði í heimi fyrir árið 2030. Mikill árangur hefur náðst en þó eru enn mörg ljón í veginum fyrir grænum orkuskiptum.
Eins hafa Norðurlöndin ólíkar loftslagsstefnur og -markmið. Á meðan Noregur og Ísland stefna að því að minnka losun um 55% (miðað við 1990) fyrir árið 2030 stefna Danir að því að draga úr losun um 70%.
Hins vegar leiddi rannsókn frá 2021 í ljós að yngri kynslóðir vilja aukið norrænt samstarf í loftslags- og umhverfismálum.
Myndi samnorræn stefna í loftslagsmálum færa okkur nær markmiðinu um sjálfbær Norðurlönd? Og hvernig tryggjum við að sjónarmið barna og ungmenna, sem munu erfa afleiðingar loftslagsbreytinga, endurspeglist í stefnumótun?
Ræðumaður:
Inngangserindi Bryndísar Haraldsdóttur, formaður Íslandsdeildar Norðurlandaráðs
Málþingið fer fram á ensku.
16 september16.00 – 16.40FOOD JUSTICE AND DEMOCRACY: An Afro-Futuristic Perspective
Athugið að þessi viðburður fer fram í fyrirlestrasalnum í Grósku.
Hvað felst í „Food Justice“ eða aðgengi allra að heilnæmri næringu og hvers vegna er það mikilvægt fyrir lýðræðið? Á Fundi fólksins mun Njathi Kabui, einnig þekktur sem Chef Kabui, halda fyrirlestur um þetta mikilvæga málefni.
Guðrún Sóley Gestsdóttir stýrir umræðum.
Málþingið fer fram á ensku.
17 september
13.00 – 13.40
Í liði með náttúrunni: náttúrumiðaðar lausnir í þéttbýli
Því verður einnig streymt hér: https://vimeo.com/event/2420289
Það verður sífellt ljósara að náttúrulegar lausnir eru lykilatriði í því að draga úr og aðlagast loftslagsbreytingum. Borgarumhverfi og innviðir borga eru viðkvæm fyrir öfgum í veðurfari, svo sem flóðum og fellibyljum.
Um leið hefur borgarumhverfi gjarnan neikvæð umhverfisáhrif sem sjá má til dæmis sjá á „hitaeyjum“ í borgum, aukinni mengun og tapi á líffræðilegum fjölbreytileika. Hvernig getum við dregið úr þessum neikvæðu áhrifum og skapað borgarrými sem vinnur með náttúrunni en ekki á móti henni?
Boðið verður upp á tvö erindi um blágrænar lausnir í borgarumhverfi og hringborðsumræður með fulltrúum frá Reykjavíkurborg, heilbrigðisgeiranum og frjálsum félagasamtökum.
Málþingið er haldið í samstarfi við Stofnun Sæmundar fróða um sjálfbæra þróun við Háskóla Íslands og er hluti af viðburðaröðinni Í takt við náttúruna: Náttúrulegar lausnir og áhrif þeirra í víðara samhengi.
Í ár eru náttúrulegar lausnir þemað í umhverfisverðlaunum Norðurlandaráðs og markmiðið með viðburðaröðinni er að varpa ljósi á náttúrulegar lausnar og innleiðingu þeirra á Norðurlöndum.
17 september
14.00 – 14.40
Græn umskipti loftslagsskúrksins: Hlutverk byggingariðnaðar
Brjótum niður hindranirnar sem standa í vegi fyrir sjálfbærum og loftslagsvænum mannvirkjum morgundagsins.
Aðkallandi verkefni í byggingariðnaði eru augljós: 40% af kolefnislosun á heimsvísu er af völdum manngerðs umhverfis. Nú þegar stefnt er að kolefnishlutleysi á heimsvísu þarf byggingariðnaðurinn að draga verulega úr losun af völdum nýbygginga, reksturs innviða og mannvirkja þrátt fyrir að spáð sé 42% vexti í atvinnugreininni fyrir árið 2030 vegna aukinnar eftirspurnar eftir íbúðarhúsnæði. Góðu fréttirnar eru að margar lausnir eru þegar þekktar og það er hægt að gera eitthvað í málunum!
Við ætlum að skoða hvernig við getum breytt umræðu, þekkingu og tæknilausnum í áþreifanlegar aðgerðir. Við ætlum að byggja á afrakstri hugmyndavinnu og ræða hindranir og tækifæri á Norðurlöndum til að stuðla að breyttri menningu og nauðsynlegri umbreytingu byggingariðnaðar í sjálfbæran hringrásariðnað fyrir kolefnishlutlaust velferðarsamfélag framtíðarinnar.
Viðburðurinn er á vegum SUSTAINORDIC, sem er hluti af átaki Norrænu ráðherranefndarinnar um sjálfbæran norrænan byggingariðnað.
Málþingið fer fram á ensku.
