Myndlist í anddyrinu – Trekk pusten opp i det blå

Verið velkomin á opnun sýningarinnar Trekk pusten opp i det blå eftir norsku listakonuna Hanne Grete Einarsen í anddyri Norræna hússins 16. maí kl. 17:00. Norræna húsið býður upp á léttar veitingar.

Sýningin er lokahnykkur á löngu vinnuferli listakonunnar þar sem hún leitast við að endurspegla fundi við lífið og dauðann. Sýningin samanstendur af akríl málverkum sem eiga að veita áhorfandanum innsýn inn í persónulegar þjáningar í bland hið fagurfræðilega. Markmið verkanna er að segja sögu um hið mannlega í eigin líkama. Það gæti verið að eiga samíska sjálfsmynd, fjölskyldusaga, tengsl þín við náttúruna og svo að lokum, áttu fund við dauðann.

Hanne Grete Einarsen er myndlistarkona menntuð frá Vestlandets Kunstakademi í Noregi. Búsett í Snefjord, í Måsøy í Vestur-Finnmörk.

Nánar um listakonuna: http://snefjordprinsessa.no/

Sýningin er styrkt af OCA and Nordic Culture Point.

Myndirnar: Hopper mot livet/Njuiken Eallimii og Gone by Death