VETRAR VERK – Fjórði í aðventu með Sami Said
11:00
Vetrar verk er bókmennta aðventudagatal frá Norræna húsinu í Reykjavík. Á aðventunni munu norrænir rithöfundar frá Íslandi, Noregi, Svíþjóð, Danmörku og Finnlandi velja vetrarsögu og lesa upp á sínu móðurmáli heiman að frá sér.
Hvernig er veturinn? Er hann slæmur eða færir hann okkur gleði?
Snertir hann við einhverju?
Hjá Sami Said skellir á með snjóhríð í óútgefnu handriti um Nadine og sólin virðist aldrei ætla að brjótast fram úr vetrarmyrkrinu. Hann les úr óútgefnu handriti.
Vetrar verk verða send út frá Norræna húsinu alla sunnudaga í aðventu og endapunkturinn settur á nýju ári. Rithöfundarnir sem lesa hafa allir hlotið eða verið tilnefndir til Bókmenntaverðlauna Norðurlandaráðs. Skrifstofa Bókmenntaverðlauna Norðurlandaráðs er staðsett í Norræna húsinu í Reykjavík.
Dagsetningar
29. nóv. Einar Már Guðmundsson
6. des. Tomas Espedal
13. des. Suzanne Brøgger
20. des. Sami Said
10. jan. Rosa Liksom
VETRAR VERK urðu til á Zoom í kófinu. Við fögnum því að geta hlýtt á upplestur og notið bókmennta í netheimum í vetur.
