Norræna húsið auglýsir eftir sýninga- og verkefnafulltrúa

Hefur þú áhuga á menningu og listum?

Norræna húsið í Reykjavík er vettvangur norrænna lista, menningar, tungumála og þjóðfélagsumræðu. Öll okkar starfsemi hefur sjálfbærni að leiðarljósi. Við stefnum að kolefnishlutleysi og leggjum áherslu á jafnrétti og margbreytileika. Norræna húsið býður upp á framsækna og þýðingarmikla dagskrá á sviði lista, bókmennta og samfélagslegra málefna allan ársins hring.

Við leitum að skapandi einstaklingi til að sinna móttöku sýningagesta og sjá um litlu hönnunarbúðina okkar í Hvelfingu Norræna hússins. Önnur verkefni eru m.a vöktun sýninga og aðstoð við skipulagningu og framkvæmd viðburða í húsinu.  Krafa er um menntun í listum og menningu og reynslu af sambærilegum störfum.  Við leitum að sveigjanlegum einstaklingi með mikla þjónustulund sem á auðvelt með að vinna bæði sjálfstætt og í hópi.

Frekari upplýsingar veitir forstjóri Norræna hússins, Sabina Westerholm, í tölvupósti sabina@nordichouse.is eða í síma 551 7030. Umsóknir skal senda inn á ensku ásamt ferilskrá á sama netfang fyrir 30. nóvember 2020.

Um er að ræða fullt starf. Ráðið er til eins árs og þarf viðkomandi að þarf geta hafið störf þann 4. janúar 2021.

Send this to a friend