Henning Jensen

Gennem glasvæggen

Skáldsaga (danska)
Henning Jensen: Gennem glasvæggen, 2020

Hinn þekkti og margverðalaunaði leikari segir lesandanum á opin og heiðarlegan hátt frá erfiðleikum sem breyttu lífi hans. Þrjátíu og sex ára gamall á framabraut og störfum hlaðinn, stígur hann í gegnum glerveginn sem skilur að hinn raunverulega heim og hyldýpi hugans. Á hraðri niðurleið í heljargreipum kvíða og þunglyndis og á mörkum þess að taka eigið líf eigrar hann á milli sérfræðinga þar til hann kemst í kynni við geðlyf sem bjarga lífi hans og hann snýr til baka gegnum glervegginn.
Frásögnin er skrifuð á undur fallegu máli og dramatískar lýsingar á ölduróti hugans þegar veröldin virðist einungis stefna niður á við og geðveikin lokar á allt. Lesandinn fær innsýn í danskt leikhús þar sem einelti meðal fullorðinna brýtur niður allt sjálfsálit einstaklinga, jafnvel hinna kokhraustustu. Sjálfhverfir meðferðarfulltrúar sem reyna sitt besta fá ekki háa einkun á sama tíma og traustir vinir, reyndir sálfræðingar og sérfræðingar í heilbrigðisgeiranum fá ævarandi þakkir frá höfundi sem ennþá, mörgum árum seinna, gerir sér grein fyrir að dauðinn bíði handan kvíða og allsumlykjandi þynglyndis.

Send this to a friend