Skynjun Jarðar
Verið velkomin að skoða og njóta „Skynjun Jarðar“ Fjölskynjunar innsetningu sem staðsett er í Gróðurhúsinu við Norræna húsið í Reykjavík. Innsetningin verður opin almenningi frá 12:00 til 17:00, 10. til 14. ágúst.
Íslensk mold geymir sérstæða sögu. Þó að vikur, rauðbrún mold og svartur sandur sé algengur á Íslandi er ekki svo á jörðinni allri. Hver jarðvegsgerð og snið segja sína einstöku sögu – ekki aðeins um jarðfræði, heldur ekki síður um flókið samspil loftslags, manna, plantna og dýra.
Sagan er í stöðugri þróun og endurmótun, skilningur breytist og sagan í sífellu endursögð, Það á einnig við um moldina. Saga jarðvegs á Íslandi er saga hruns vistkerfa. Hún er efnismikil – um viðkvæma mold en einnig um þá miklu frjósemi sem hún getur haft. Þetta er saga dramatískra breytinga á vistkerfum jarðar sem menn geta framkallað. En þetta er jafnframt saga umhyggju fyrir moldinni, saga bænda, landgræðslufólks, skógræktarfólks, vísindafólks, sagnfræðinga, vistfræðinga og nýsköpunarfólki sem leita sátta við moldina.
Í þessu listtengda rannsóknarverkefni, söfnuðum við sýnum af þessum einstöku jarðvegs gerðum á Íslandi. Vistfræðilega, sögulega og jarðfræðilega, frá vikri í Þjórsárdal til votlendisjarðvegs á Hvanneyri. Sýnishornin eru lögð á hljóðborðsgólf með mikrófónum og hátölurum. Gegnum þessa gagnvirku innsetningu geta áhorfendur fengið einstakt tækifæri til að heyra í jarðveginum nær jörðinni í stað venjulegrar mannhæða fjarlægðar. Þátttakendum býðst að labba berfættir yfir ólíkar jarðvegsgerðir, hlusta á hljóð af mismunandi áferð á meðan fæturnir skynja jarðvegsáferðina.
Í grundvallaratriðum segir jarðvegur sína einstöku sögu. Hins vegar er spurning hvernig við getum tengst henni. Hljóð gefur okkur einstaka leið til að hafa samskipti við jarðveginn og heim þess sem við hugsum um sem „óvirkt“ vegna þess að hljóð markar samspil við efnislega áferð hluta. Á þennan hátt er hljóð hluturinn sem lýsir eiginleikum efnisins. Í gegnum listræna þátttöku höfum við tækifæri til að stilla og endurskilgreina skynjun okkar til að skilja flókna heima lífsins handan mannsins.
Þetta verk er unnið af Theodore Siegmund Teichman, sem hefur fjölbreyttan bakgrunn sem hljóðhönnuður og landslagsarkitekt. Verkið er unnið í samstarfi og með stuðningi frá Helenu Guttormsdóttur, listamanni og lektor LbhÍ, Agli Sæbjörssyni listamanni, Ólafi Arnalds jarðvegsfræðing og prófessor við LbhÍ, Alejandro Salazar Villegas, jarðvegs örverufræði LbhÍ, Stofnun Sæmundar Fróða og Norræna húsinu. Theodore er styrkþegi stofnunar Leifs Eiríkssonar og hefur búið á Hvanneyri síðastliðið ár, að kynna sér fjölbreytta skynjun og þverfaglega nálgun um tengsl manna og lífríkis í jarðvegi á Íslandi.
