Arctic Concerts – Svafa Þórhallsdóttir
20:30
Arctic Concerts er ný tónleikaröð í Norræna húsinu
Á fimmtudögum kl 20:30 í allt sumar
Arctic Concerts tónleikaröðin er ætluð áhugasömum ferðamönnum, ekki síður en íslenskum tónlistarunnendum sem vilja kynnast íslenskri og norrænni tónlist og flytjendum hennar, í einstakri nánd og vinalegu umhverfi.
Svafa Þórhallsdóttir söngkona er búsett í Danmörku þar sem hún starfar að tónlist og söng. Svafa hefur getið sér gott orð fyrir frumlega nálgun klassískrar tónlistar, fagra rödd og sérlega áhugaverðan flutning, en auk þess að syngja leikur Svafa á franskt horn. Tónleikar Svöfu bera yfirskriftina Mountain Music en þar syngur hún m.a. lög eftir Jón Leifs, Jórunni Viðar og Edvard Grieg ásamt Söndru Mogensen píanóleikara. Sandra er fædd í Kanada, býr nú og starfar í Danmörku en hefur haldið tónleika víðsvegar um Evrópu og Bandaríkin auk þess að hljóðrita tónlist Grieg fyrir CHM útgáfuna.
https://www.youtube.com/watch?v=P-2zBehZm0Q
Aðgangseyrir: 2.500 kr.
Undir merki Arctic Concerts falla allir stílar og tónlistarstefnur; klassík, jazz, þjóðlög og fjölbreytt dægurtónlist. Vandaður flutningur og framsetning er aðalsmerki verkefnisins enda flytjendur úr fremstu röð einleikara, einsöngvara og hljómsveita.
07.7. KK söngvari/lagasmiður – blönduð tónlist
14.7. Arctic Broken Consort – blönduð tónlist
21.7. Sunna Gunnlaugsdóttir- jazz
28.7. Funi – þjóðlagatónlist
04.8. Hallveig Rúnarsdóttir & Jóhannes Andreasen – sönglög
11.8. Svavar Knútur – trúbador
18.8. Sölvi Kolbeinsson- jazz
25.8. Svafa Þórhallsdóttir- sönglög
Kvöldverður og tónleikar
Aalto Bistro býður upp á sérstakan matseðil fyrir tónleikana. Aalto Bistro er opið á fimmtudögum til kl. 21.30. bóka borð
Það er von okkar sem stöndum að Arctic Concerts að röðin verði kærkomin viðbót við menningarflóru landsins, gluggi inn í litríkan tónlistarheim norðursins.
Það er Tóney sem stendur að Arctic Concerts röðinni í samstarfi við Norræana húsið en faglegur stjórnandi er Guðni Franzson tónlistarmaður.
Málverk: Georg Guðni, 2001.
