Stockfish 28. mars: Bransadagar / Industry Days
13:00 - 17:00
Við erum spennt að halda áfram samstarfi okkar við Stockfish kvikmyndahátíðina!
Í ár mun Norræna húsið hýsa tveggja daga dagskrá sem inniheldur Stockfish Industry Days með áherslu á Framtíð kvikmyndalandslags Norður-Atlantshafsins laugardaginn 28. mars. Dagskránni verður svo haldið áfram sunnudaginn 29. mars með frábærri barnadagskrá
Lesið meira um alla dagskrána á heimasíðu Stockfish með því að smella hér.
Dagskrá 28. Mars:
Staða íslenska kvikmyndaiðnaðarins
Pallborðsumræður með formönnum fagfélaga í íslenskri kvikmyndagerð, stjórnað af Wendy Mitchell.
Í þessum umræðum koma saman formenn helstu fagfélaga íslenska kvikmyndaiðnaðarins til að ræða stöðu greinarinnar í dag. Fjallað verður um tækifæri og áskoranir sem kvikmyndagerðarfólk stendur frammi fyrir, þar á meðal fjármögnun, starfsaðstæður, alþjóðlegt samstarf og sjálfbærni iðnaðarins.
Umræðurnar sameina raddir úr ólíkum áttum faglegrar starfsemi og varpa ljósi á hvar íslenski kvikmyndaiðnaðurinn stendur í dag og hvernig hann getur þróast áfram í alþjóðlegu umhverfi.
Kl. 14:00
Framtíð kvikmyndalandslags Norður-Atlantshafsins
Í þessum umræðum koma saman fulltrúar kvikmyndastofnana Færeyja, Íslands og Grænlands til að ræða stöðu og framtíðarþróun kvikmyndagerðar á Norður-Atlantshafssvæðinu. Fjallað verður um tækifæri og áskoranir smærri kvikmyndaiðnaða, þar á meðal fjármögnun, hæfileikaþróun, alþjóðlegt samstarf og mikilvægi svæðisbundinna tengsla.
Með því að leiða saman lykilaðila frá þessum þremur löndum er markmiðið að sýna fram á hvernig aukið samstarf á Norður-Atlantshafssvæðinu getur stutt við kvikmyndagerðarfólk, hvatt til samframleiðslu og hjálpað til við að koma sögum svæðisins á framfæri á alþjóðavettvangi.
Kl. 15:30
Ný norræn verk í vinnslu
Valin norræn verk í vinnslu verða kynnt af leikstjórum þeirra.
Nánari upplýsingar um verkefnin verða birtar á heimasíðu Stockfish.
