Lokadagur sýningar: Róleg stund og spjall með sýningarstjóra

Við bjóðum ykkur hjartanlega velkomin á lokaadag Sequences XII: Pása; Setminni í Norræna húsinu, þar sem við njótum notalegrar stundar saman.

Daría Sól Andrews, sýningarstjóri, verður á staðnum og býður upp á rólegt spjall um sýninguna, heim náttúrunnar sem hún endurspeglar og marglaga tíma hennar. Eftir spjallið verður gestum boðið að setjast niður með heitt glögg eða kaldann drykk uppi í forstjóra íbúð Norræna hússins. Þetta er fullkomið tilefni til að njóta, hlusta og vera saman í notalegri aðventustemningu.

Við hlökkum til að sjá ykkur!

Aðgengi að Hvelfingu sýningarrými er með lyftu frá aðalhæð eða niður stiga utanfrá. Aðgengi í gömlu forstjóra íbúðina er frá aðalhæð og er aðgengi gott, lágur þröskuldur er þó inn í íbúðina.

Sýningin Setminni leiðir saman listamenn sem hver og einn vinnur með tímaskynjun handan hins mannlega kvarða, á henni má meðal annars sjá verk sem fjalla um jökulhreyfingar, sveppanet, jarðfræðilegar myndanir og önnur vistkerfi sem fylgja sínum eigin takti – og hvetja okkur til að hægja á og stilla okkur inn á náttúruna.

Listamenn: Erna Skúladóttir, Pétur Thomsen, Julie Sjöfn Gasiglia, Rhoda Ting & Mikkel Bojesen, Bryndís Snæbjörnsdóttir & Mark Wilson, Ragna Róbertsdóttir, Thomas Pausz og Wauhaus.