Hyggestund – Vertu fugl!

Vertu fugl!

Öll fjölskyldan er velkomin á Hyggestund: vinnustofu þar sem hægt er að teikna og gera klippimyndir, innblásnar af fuglum! Í þessari smiðju munum við búa til fugl sem minnir okkur á okkur sjálf, vin eða fjölskyldumeðlim.

Ef þú værir fugl, hvaða fugl væri það? Íslenskur fugl, hitabeltisfugl eða kannski risaeðlufugl?

Með einföldum formum sem við klippum út, setjum við saman fugl úr lituðum pappír. Þátttakendur geta bætt við skreytingum og gert fuglinn persónulegri – bætt við yfirvaraskeggi, hatti, bindi, jakka, fyndnum skóm, glösum… Eftir að hafa skreytt fuglinn þinn geturðu gefið honum nafn.

Í þessari vinnustofu finnum við innblástur frá bókinni Anden Aaltonen och konsten att flygt (Anden Aaltonen og listin að fljúga) , eftir Veera Salmi með fallegum myndskreytingum eftir Matti Pikkusjämsä. Bókin var tilnefnd til barna- og ungmennabókmenntaverðlauna Norðurlandaráðs árið 2020. Námsefni fyrir bókina má finna á öllum Norðurlandamálum á bokslukaren.org

Kennari vinnustofunnar er Estelle Pollaert, franskur listamaður og myndskreytir sem býr og starfar í Reykjavík. Estelle vinnur einnig í þjónustuteymi Norræna hússins og kannast eflaust margir við hana þaðan!

Öll eru velkomin á vinnustofuna sem er ókeypis. Aðgengi að barnabókasafni er með stiga frá bókasafni og fyrir hjólastóla er aðgengi með lyftu og í gegnum sýningarsalinn Hvelfingu. Starfsfólk bókasafns veitir upplýsingar og aðstoð eftir þörfum. Aðgengileg salerni eru á aðalhæð og þar er einnig að finna skiptiaðstöðu fyrir börn.