Arctic Concerts – Hallveig Rúnarsdóttir & Jóhannes Andreasen

Kaupa miða 

Arctic Concerts er ný tónleikaröð í Norræna húsinu

Á fimmtudögum kl 20:30 í allt sumar

Arctic Concerts tónleikaröðin er ætluð áhugasömum ferðamönnum, ekki síður en íslenskum  tónlistarunnendum sem vilja kynnast íslenskri og norrænni  tónlist og flytjendum hennar, í einstakri nánd og vinalegu umhverfi.

Hallveig Rúnardóttir sópran söngkona og Jóhannes Andreasen  píanóleikari frá Færeyjum, koma fram á tónleikum í Arctic Concerts röðinni í Norrænahúsinu, fimmtudagskvöldið 4. ágúst kl. 20.30.  Þau munu flytja blandaða efnisskrá sönglaga, m.a. eftir Atla Heimi Sveinsson og Edvard Grieg en einnig tónlist frá Færeyjum þar á meðal eftir Trónd Bogason, einn af nánustu samstarfsmönnum Eivarar Pálsdóttur.

Hallveig er í hópi virtustu söngkvenna þjóðarinnar, hefur m.a. sungið fjölda hlutverka hjá Íslensku Óperunni auk ljóðatónleika, óratóríu og leikhúshlutverka.  Í vor söng Hallveig burðarhlutverk í nýrri Færeyskri óperu, Ljós í Ljóði eftir Kristian Blak, í Norðurlanda húsinu í Þórshöfn en hélt jafnfram fjölda einsöngstónleika í tengslum við hina árlegu Summartóna hátíð.  Þar  kom hún fram með Jóhannesi Andreasen, víða á Færeyjum og í Þórshöfn, við frábærar undirtektir.

Jóhannes Andreasen er leiðandi píanóleikari og tónlistarmaður í Færeyjum.  Hann nam við Tónlistarháskólann í Vínarborg og Yehudi Menuhin akademíuna í Sviss en var einnig í nokkur ár búsettur á Íslandi og virkur í tónlistarlífinu hér.  Jóhannes leikur gjarnan einleik með Sinfóníuhljómsveit Færeyja, er meðlimur tónlistarhópsins Aldurbáran auk þess að halda tónleika og kenna í Færeyjum.  Mörg Færeysk tónskáld s.s. Tróndur Bogason og Sunleif Rasmussen hafa skrifað fyrir Jóhannes og hann hljóðritað verk þeirra.

 

Aðgangseyrir: 2.500 kr.

Undir merki Arctic Concerts falla allir stílar og tónlistarstefnur;  klassík, jazz,  þjóðlög og fjölbreytt dægurtónlist. Vandaður flutningur og framsetning er aðalsmerki verkefnisins enda flytjendur úr fremstu röð einleikara, einsöngvara og hljómsveita.

07.7. KK söngvari/lagasmiður – blönduð tónlist

14.7. Arctic Broken Consort – blönduð tónlist

21.7. Sunna Gunnlaugsdóttir- jazz

28.7. Funi – þjóðlagatónlist

04.8. Hallveig Rúnarsdóttir & Jóhannes Andreasen – sönglög

11.8. Svavar Knútur – trúbador

18.8. Sölvi Kolbeinsson- jazz

25.8. Svafa Þórhallsdóttir- sönglög

Kvöldverður og tónleikar

Aalto Bistro býður upp á sérstakan matseðil fyrir tónleikana.  Aalto Bistro er opið á fimmtudögum til kl. 21.30. bóka borð

Það er von okkar sem stöndum að Arctic Concerts að röðin verði kærkomin viðbót við menningarflóru landsins, gluggi inn í litríkan tónlistarheim norðursins.

Það er Tóney sem stendur að Arctic Concerts röðinni í samstarfi við Norræana húsið en faglegur stjórnandi er Guðni Franzson tónlistarmaður.

Málverk: Georg Guðni, 2001.