Jafnræði og inngilding í verki: Ábyrgð menningarstofnana 

Hvað felst í jafnræði og inngildingu og hvers vegna skiptir það máli? Hvernig geta menningarstofnanir skapað rými þar sem fólk upplifir að á það sé hlustað, að það fái að njóta sín og að það sé raunverulega velkomið? Og hvaða ábyrgð fylgir því hlutverki? 

Norræna húsið og Reykjavík Dance Festival bjóða til málþings þar sem þessar spurningar verða teknar til umfjöllunar, með sérstakri áherslu á hvernig menningarstofnanir geta stuðlað að fjölbreyttu, inngildandi og aðgengilegu menningarlífi. 

Menningarstofnanir geta verið mikilvægir vettvangar fyrir samtal og þátttöku. Þær geta leitt fólk saman þvert á ólíkan bakgrunn, eflt traust í samfélaginu og styrkt tilfinningu fólks fyrir því að það eigi þar hlutdeild. En hvernig tryggjum við að menning sé í raun aðgengileg og fyrir alla? 

Dagskrá:
Ávarp: Sabina Westerholm, forstjóri Norræna hússins. 

Erindi: Chisom Udeze, framkvæmdastjóri Diversify, og Phyllis Akinyi, verkefnastýra listamannaumönnunar hjá HAUT. 

Pallborðsumræður með:
Chisom Udeze, Phyllis Akinyi, Örnu Kristínu Einarsdóttur, skrifstofustjóra menningar og fjölmiðla í menningar-, nýsköpunar- og háskólaráðuneytinu, Sonya Lindfors, danshöfundi og listrænum stjórnanda, Pétri Ármannssyni, stjórnanda Reykjavík Dance Festival. 

Fundarstjóri er Susanne Næss Nielsen, framkvæmdastjóri Festspillene í Norður-Noregi. 

Tungumál: Enska