Umhverfisverðlaun Norðurlandaráðs

Skrifstofa fyrir Umhverfisverðlaun Norðurlandaráðs hefur verið starfrækt í Norræna húsinu síðan í janúar 2016. Skrifstofan annast öll dagleg störf sem tengjast verðlaununum. Vinnan fer fram í samstarfi við norræna dómnefnd verðlaunanna, sem og skrifstofu Norrænu ráðherranefndarinnar og Norðurlandaráðs í Kaupmannahöfn.
Nánari upplýsingar veitir umsjónarmaður skrifstofunnar, Kristín Ingvarsdóttir, kristini@nordichouse.is.

Sendið inn tilnefningar til umhverfisverðlauna Norðurlandaráðs 2018

Þema umhverfisverðlauna Norðurlandaráðs eru verkefni sem vernda lífíð í hafinu. Allir geta sent inn tilnefningar til verðlaunanna. Tilkynnt verður um verðlaunahafann þann 30. október 2018 á þingi Norðurlandaráðs.

 

Reglur um tilnefningar

Umhverfisverðlaunin eru veitt norrænu fyrirtæki, samtökum eða einstaklingi sem gengið hefur á undan með góðu fordæmi með því að samþætta umhverfissjónarmið starfseminni eða hefur á annan hátt unnið mikilsvert starf í þágu umhverfisins. Verðlaunahafinn á að vera norrænn og starfa á Norðurlöndum og/eða í tengslum við aðila utan Norðurlanda.

Þema ársins og tillaga þín

Með valinu á þema ársins vill norræna dómnefndin vekja athygli á verkefnum sem styðja hin nýju heimsmarkmið Sameinuðu þjóðanna fyrir 2030 en „lífið í hafinu“ er einmitt 14, markmiðið í dagskrá SÞ.

„Hafið skiptir okkur miklu máli. Það tengir saman lönd okkar. Og margar mikilvægustu auðlindir okkar eru í hafinu, auk þess sem skipaútgerð okkar er mikil. Þess vegna er það hagsmunamál okkar að vernda hafið – og það er einnig á ábyrgð okkar,“ segir Cilia Holmes Indahl, forstöðumaður sjálfbærni í Aker BioMarine og formaður dómnefndar.

„Norðurlöndin eru í fararbroddi þegar kemur að sjálfbærum lausnum og við hlökkum til að taka við tilnefningum á norrænum verkefnum þar sem unnið er að verndun hafsins – svæðisbundið og á heimsvísu,“ segir Cilia Holmes Indahl.

Þekkir þú norrænt fyrirtæki, samtök eða einstakling sem leggur sitt af mörkum til að vernda hafið? Þá geturðu sent inn tilnefningu hér og rökstutt hana á í mesta lagi einni A4-blaðsíðu. Tilnefningar til verðlaunanna skulu berast eigi síðar en 14. maí, 2018..

RePack hlaut umhverfisverðlaun Norðurlandaráðs 2017

Finnska fyrirtækið RePack hlaut umhverfisverðlaun Norðurlandaráðs fyrir starf sitt að þróun endurnýtanlegra umbúða og skilakerfis fyrir rafræn viðskipti.

Framkvæmdastjóri fyrirtækisins, Jonne Hellgren, tók við verðlaununum að upphæð 350 þúsund DKK. Verðlaunahafi síðasta árs, Klaus Pedersen, afhenti verðlaunin við verðlaunaathöfn Norðurlandaráðs í Finlandia-húsinu í Helsinki.

Rökstuðningur dómnefndar hér

 

Umhverfisverðlaun Norðurlandaráðs

Umhverfisverðlaunin voru sett á laggirnar til að efla vitund um náttúru- og umhverfisvernd á Norðurlöndunum. Þau hafa verið veitt frá árinu 1995 og eru afhent við sama tækifæri og önnur verðlaun Norðurlandaráðs.

Umhverfisverðlaunin eru veitt norrænni stofnun, fyrirtæki eða einstaklingi, sem sett hefur fordæmi með því að samþætta virðingu fyrir náttúru og umhverfi í starfi sínu, eða hefur sýnt frumkvæði á annan hátt með sértækum aðgerðum náttúru og umhverfi til góða.

Þriggja þrepa val á verðlaunahafa

Val á handhafa umhverfisverðlaunanna er þriggja þrepa ferli:

  • Allir geta sent inn tillögur
  • Dómnefndin velur þá sem fara í úrslit (2 eða 1) frá hverju landi
  • Dómnefndin kemur saman og velur verðlaunahafa

Um dómnefndina

Í dómnefndinni eiga sæti 13 fulltrúar: Tveir frá hverju Norðurlandanna og einn frá hverju sjálfstjórnarsvæðanna; Álandseyjum, Færeyjum og Grænlandi.

Verðlaunafé og verðlaunaafhending

Umhverfisverðlaunin nema 350 þúsundum danskra króna (rúmlega 5 mill ISK), sem er sama upphæð og verðlaunin fyrir bókmenntir, tónlist og kvikmyndir.

Verðlaunahafar síðustu ára

  • 2016 Too Good To Go frá Danmörku (stafræn nýsköpun sem ýtir undir sjálfbæran lífsstíl)
  • 2015 Færeyska orkufyrirtækið SEV (græn raforka)
  • 2014 Reykjavíkurborg (víðtækt og markvisst starf að umhverfismálum)
  • 2013 Selina Juul frá Danmörku (barátta gegn matarsóun)

Sjá fleiri verðlaunahafa og tilnefningar

Nánari upplýsingar um verðlaunin

Umhverfisverðlaun Norðurlandaráðs

Fréttir af Umhverfisverðlaunum Norðurlandaráðs

Nánari upplýsingar veitir

Kristín Ingvarsdóttir
kristini@nordichouse.is
Tel: +354 551 7032