Umhverfisverðlaun Norðurlandaráðs

Skrifstofa fyrir Umhverfisverðlaun Norðurlandaráðs hefur verið starfrækt í Norræna húsinu síðan í janúar 2016. Skrifstofan annast öll dagleg störf sem tengjast verðlaununum. Vinnan fer fram í samstarfi við norræna dómnefnd verðlaunanna, sem og skrifstofu Norrænu ráðherranefndarinnar og Norðurlandaráðs í Kaupmannahöfn.
Nánari upplýsingar veitir umsjónarmaður skrifstofunnar, Kristín Ingvarsdóttir, kristini@nordichouse.is.

Tilnefningar til verðlauna Norðurlandaráðs 2017

Tilnefningar til verðlauna Norðurlandaráðs, sem eru fimm talsins, eru kynntar ein af annarri yfir árið og verðlaunin síðan afhent í Helsinki þann 1. nóvember í tengslum við þing Norðurlandaráðs.

Tilnefningar verða kynntar sem hér segir:

  • Bókmenntaverðlaun Norðurlandaráðs 23. febrúar
  • Barna- og unglingabókmenntaverðlaun Norðurlandaráðs 5. febrúar
  • Tónlistarverðlaun Norðurlandaráðs 25. apríl
  • Umhverfisverðlaun Norðurlandaráðs 16. júní
  • Kvikmyndaverðlaun Norðurlandaráðs í september

Umhverfisverðlaun Norðurlandaráðs

Umhverfisverðlaunin voru sett á laggirnar til að efla vitund um náttúru- og umhverfisvernd á Norðurlöndunum. Þau hafa verið veitt frá árinu 1995 og eru afhent við sama tækifæri og önnur verðlaun Norðurlandaráðs.

Umhverfisverðlaunin eru veitt norrænni stofnun, fyrirtæki eða einstaklingi, sem sett hefur fordæmi með því að samþætta virðingu fyrir náttúru og umhverfi í starfi sínu, eða hefur sýnt frumkvæði á annan hátt með sértækum aðgerðum náttúru og umhverfi til góða.

Þriggja þrepa val á verðlaunahafa

Val á handhafa umhverfisverðlaunanna er þriggja þrepa ferli:

  • Allir geta sent inn tillögur
  • Dómnefndin velur þá sem fara í úrslit (2 eða 1) frá hverju landi
  • Dómnefndin kemur saman og velur verðlaunahafa

Um dómnefndina

Í dómnefndinni eiga sæti 13 fulltrúar: Tveir frá hverju Norðurlandanna og einn frá hverju sjálfstjórnarsvæðanna; Álandseyjum, Færeyjum og Grænlandi.

Verðlaunafé og verðlaunaafhending

Umhverfisverðlaunin nema 350 þúsundum danskra króna (rúmlega 5 mill ISK), sem er sama upphæð og verðlaunin fyrir bókmenntir, tónlist og kvikmyndir.

Verðlaunahafar síðustu ára

  • 2016 Too Good To Go frá Danmörku (stafræn nýsköpun sem ýtir undir sjálfbæran lífsstíl)
  • 2015 Færeyska orkufyrirtækið SEV (græn raforka)
  • 2014 Reykjavíkurborg (víðtækt og markvisst starf að umhverfismálum)
  • 2013 Selina Juul frá Danmörku (barátta gegn matarsóun)

Sjá fleiri verðlaunahafa og tilnefningar

Nánari upplýsingar um verðlaunin

Umhverfisverðlaun Norðurlandaráðs

Fréttir af Umhverfisverðlaunum Norðurlandaráðs

Nánari upplýsingar veitir

Kristín Ingvarsdóttir
kristini@nordichouse.is
Tel: +354 551 7032